BUKIK MORPI

BUKIK MORPI
DESIR PANTAI KERAJAAN
Oleh : Shaff Ra Alisyahbana Dt Malako

Duo kaluarga dari Panyabungan
Merangkat nan samo jo Jalumuik ,
Bukik Morpi tampek kadiaman
Disikolah ranah nan di runuik

Merangkat keluarganyo si Maduma
Jalumuik banamo si Intan ,
Di Singkuang kaduo kaluarga
Mandirikan sabuah kerajaan

Jalumuik Rajo partamo
Tapi labieh pintar Merangkat ,
Merangkat Rajo kaduo
Jasa Murung panggantinyo wafat

Sakban bagala Jasa Murung
Rajo katigo di Singkuang ,
Ambiek pakayu dilambah gunuong
Lalu mamelok Rumah Gadang

Rumah Gadang di Tanah Lapang
Basandi ikan duyuong diambiek tulang
Tonggak nan dipelok gadieng gajah
Rumah Gadang badiri gagah

SUNANIK PAPAYAM

SUNANIK PAPAYAM

SUNTIENG NASI KUNIK PANGGANG PACAK AYAM
Oleh : Shaff Ra Alisyahbana Dt Malako

Suntieng adolah rangkaian bungo karateh di Ranah Nata. Suntieng Tampek indak samo jo Suntieng Tando maupun Suntieng Jamba Nasi Kunik atou Suntieng Nasi Kunik Pangang Pacak Ayam ( SUNANIK PAPAYAM ). Suntieng Tampek indak samo jo Suntieng Tando atou Suntieng Nasi Kunik. Suntieng Tanoek tadiri dari tigo tangkei gadang bungo karateh nan tadiri dari babarapo kuntum bungo. Antaro rangkei bungo dipelok jaringan karamalei nan tiok ujuongnyo ba onde-onde nan tabuek dari inti batang subang nan banyak tumbuoh di tapi pasie Ranah Nata. Tiok ujuong rangkei bungo suntieng digantuong kan Kamba Bodi sabanyak 3 buah masieng-masieng rangkei.

Bungo Suntieng Tando lain pulo coraknyo yaitu bungo hiduik saumpamo bungo pandak melati,pandak medan,inango. Kambang sataun, bungo ros, cimpago, daun karnyam nan diatuoh sarancak-rancaknyo. Tiok ujuong tabuiktu digantuongkan untean bungo iduik tu nan dipaga dek anyaman daun karambie (pucuok) sarato mayang pinang, lalu dilatakkan ka ateh dulang ba tangkei nan dikuliliengi dek rangkok. Sadangkan Suntieng Nasi Kunik Panggang Pacak Ayam ( SUNANIK PAPAYAM ) adolah Jamba Nasi Kunik dipelok bungo suntieng babantuok tigo sagi ba rumbei-rumbei nan tadiri dari tujuoh tangkei. Diantaro pancangan suntieng dipelok pulo inti nan disaok abui taluo ayam sabalah ditancapkan di jamba nasi kunik tu.
Jamba Nasi Kunik tu ado bamacam-macam yaitu Jamba Mintak Namo, Tamat Kaji dan Baupah-upah. Diateh jamba tu digolekkan sa ikuo panggang pacak ayam sarupo nasi tumpeng. Jamba Mintak Namo, ikolah nan acok di adokan dek karano untuok mamelok namo kito di wakatu Tughun Karayie. Satiok anak nan dilahiekan di agie namo. Ado nan dipelok wakatu Tughun Karayie, Aqiqah atou Syukuran. Namo tu diagie jo namo nan rancak Islami, tapi ado pulo nan mamelok asal baso Arab. Asa baso Arab dipelok ka namo anak-anaknyo. Salah satu contoh nan banamo Mukri, padahal mukri tu artinyo jahat. Bak itu juo Khamran yaitu minuman nan mamabuokkan. Masyulida yaitu manyapu anak.Paja ketek di tughun karayiekan (Aqiqah) di pagi hari nan di dukuong dek Induok Jaewknyo bapandukuong Salendang Banang Ameh, bapayuong Sitin dan bacolok Pusuong Asam. Paja keket tu lalu dimandikan sasudah di Tapuong Tawai. Sasudah mandi dibaok baliek naiek ka rumah, lalu dicukuo Rambuik Camanyo, kamudian dipakayani rancak-rancak untuok mamintak namo nan di Fatihahkan dek para undangang kasadonyo. Alah salasei maagie namo, barulah Paja Ketek ko dibueikan dalam buayan rancak nan dipelok dari kain panjang disambuong-sambuongkan dean dibawah buayan dilatakkan sa kanso bareh dan sabuah taluo ayam. Sadangkan dakek pintu masuok dipelok pulo parasokpan nan dipanggang babarapo rumpuik kusuik saumpamo Rumpuik Sauik. Disikolah pajako cako dibueikan jo lagu Marhaban sasudah urangtu mambaco Barzanji. Kudian barulah diadokan mambaco Tahtim Tahlil dan Do’a nan disudahi jo Makan Barapak ( Makan basamo ).Bak itu banyaknyo acara untuok mambuek sabuah namo, manga kiniko murah sajo marubahnyo dek gara-gara Facebook ??? Ado nan mamelok namo urang Barat, namo urang Japang dan lainnyo. Kalou dikecekkan untuok manyamarkan diri supayo jangan tahu kawan-kawan facebooker, manga mintak bakawan, sadangkan kawan indak tahu di awak ?? Pacuma sajo nan gaek mamelok jo mamfatihahkan namo tu. Antah dek barado di pantei Barat atou mungkin dek nan ka jadi Kabupaten Pantai Barat Mandaelieng, mangkonyo masuok virus Barat tu, antahlah. Peloklah namo nan alah di agei dek urang tuo tu di facebbok, indak ka hino bana dipandang dek kawan-kawan facebooker tu do. Di kecekkan ado makasuik nan tatantu, sadangkan nan jaleh sajo indak di tanggapi do, apolei nan barondok-rondok. Antahlah … Alah rancak namo nan di agie dek nanggaek, batuka pulo dek maniti langkah karano moderen ( MALAKAMO ).

MALAKAMO

M A L A K A M O
Maniti Langkah Karano Moderen
oleh : Shaff Ra Alisyahbana Dt Malako
Malakamo adolah baso Mesir dan kalou di baso Nasionalkan bararti andekato atou sakironyo. Tapi nan dimakasuik dalam tulisan ko adolah “ Maniti Langkah Karano Moderen “, tapi waloupun bak itu kito cubo juo,sakironyo.Dek karano nandak mode ren dan mak jangan di kecekkan kuno atou kolot, mako ditam puoh jalan maniti lang kah “ malakamo “ tu. Antah dek kito nan ka manjadi Kabupaten Pantei Barat dikecek kan keren, banyak manampuoh jalan malakamo tu dikecekkan keren, banyak manampuoh jalan malakamo tu. Manga indak ???

Calieklah jaman kini ko alah tabaliek ujan ka langik dek karano alah banyak patambahan dan parubahan nan indak paralu di rubah dek karano indak sasuei jo Adat Istiadat Ranah Nata kito ko antaro lain yaitu ;

1.NAMO , didalam ra nah facebook kini alah banyak nan maniru-niru namo urang Barat mak supayo keren. Pacuma sajo nanggaeknyo mamelok namo nan rancak dan ba fatihahkan jo aqiqah ma imbou malin,manurunkan jo ma agie namo sarato mamelok Jamba Mintak Namo di Tughun Kaghayie tu. Alah jaleh lain tatulis lain bacoannyo, itu pulo nan ditiru. Itulah Maniti Langkah Karano Moderen (Malakamo).

2.KAKUBE .banyak diantaro kito ko marubah kakube jo jalan maniti langkah karano moderen nan talabieh-labieh Anak Mudo Ranah Nata. Caliek maso kiniko, banyak padu si nan mamakei pakaian laki-laki saumpamo ba sarewa sampik levis, babaju kaus sam pik sainggo bantuok badan tu ampieng sarupo batilanjang sajo. Rambuik nan panjang dipotong pendek bantuok pangke laki-laki. Nan laki-laki bak itu juo,alah mamakei subang,anteing-antieng, dukuo jo galang bantuok padusi. Sarewa nan elok jaitan nyo, kini ko di cabiek-cabiek dan ado pulo bat um bok-tumbok.

3.JAMBA ANYUIK , kini alah ado batuka caro ba “ Jamba Anyuik “. Alah gulei dituka dari gulei paku/pisang mudo paranca lokan, panggang lauok masiek, gulei cubadak jadi gulei dagieng, cubadak,randang lokan, samba udang, gulei toco nan lamak-lamak. Makasuiknyo mak banyak urang datang nan akienyo tantu banyak pulo nan basalam ma agie kepieng. Jamba anyuik tu sabananyo barasal dari makan basamo sanak famili jo nan mangakok karajo, kiniko jadi jamuan undangan ka sado alanyo dan disikolah undangan nan banyaknyo, mak supayo banyak nan ditarimo pulo. Kini ko alah mulei di tuka jo ala Parancis yaitu di edangkan sabuah tampek sajo nan undangan lansuong ma ambieknyo. Sabananyo, jamba anyuik tu adolah baragie dan lansuong diantakan dan bukan diedang dan ambiek sandiri. Itu kurang ikhlas namonyo tu. Tapi dek maniti langkah karano moderen, di pelok ala Perancis tu, waloupun ado nan indak makan asakan banyak nan basalam baragie amplop.

4.BAPAKAT , adolah suatu caro untuok manantukan apo sajo karajo nan ka di kakok, paragat nan ka dicari dan baa rono alek ka di kacak. Itu mangkonyo bara pat tu atou mupakat sakoum namonyo yaitu pakat sanak,dosanak dan badosanak, sadangkan nan indak “ babaun daun kunik “ indak sato, supayo “ pungguong nan indak basaok tu “ indak nampak do dek karano alah ditumbok dek sakoum sa induok saparinduan “. Tapi kini alah tarang-tarangan mambari tahu “ pungguong ndak basaok tu “, dek maniti langkah karano moderen jo jalan mangundang rakyat banyak, waloupun indak “ babaun kunik babaun sarei “. Manga bak itu ? Supayo banyak dapek kepieng sumbangan nan diloncekkan kadalam ayan nan bakulilieng raun kadakek para undangan nan di imbou. Iko mailangkan tangguong jawab sa induok saparinduan, karano manuruik adat , sanak dan dosanak musti maminjek sasuei jo kasanggupan. Ado nan mambinjek sagoni bareh, sakian kabek kayu, sa goni karambie, sakian cubadak, sa ikuo kambieng atou sa ikuo batigo dan ado nan mancarikan paku, lokan, batiek, parancah atuo lainnyo, dan itulah tangguong jawan basanak jo badosanak. Tapi kininko bapangka ka kepieng sadonyo dan inyo nan ma atur. Ampieng sadonyo ba upahkan sainggo itulah mangkonyo undangan tu musti banyak, mak banyak pulo amplop nan ditarimo.

5.MANJALANG ,adolah untuok marapekkan pakaouman badosanak dan ma agie tahu kaduo balah pihak, sia koumnyo masieng-masieng mak supayo basitandoan. Si Marapuley tau sia mamak,mande,sanak ayah dan lainnyo, bak itu juo sabaliek nyo. Kini ampieng indak ado laid an manjalang di ari ghayo, alah batuka caronyo. Dolu kaluo manjalang ari ghayo, sanak dan anak-anak mambaok juada Ranah Nata sabagei paragie untuk Abang,Unieng,Mamak,Mande,Angku/Uci, Sanak Ayah/Umak. Tapi kini mambaok tu indak ado laid an nan dijalang musti ma masak supayo sanak pamili bias bakela sambie mamintak salam temple untuok anak cucu nan di jalang. Sifat baragie batuka ka mamintak jadinyo.

6.MA IMBOU ,untuok ma undang anak sudaro supayo datang pado acara hajat sa umpamo Baralek, Maimbou Malin, Syukuran, Tughun Karayie dll. Dolu, untuok ma imbou Baralek manugaskan Talangkey yaitu Mamak jo Mande sabagei wakie dari Ayah/Umak nan di paralekkan jo mambaok saparagat tampek sirieh ma imbou. Tapi kini dek alah ado Hp bisa sajo lewat Hp atou ma intei di Musajik, Lapou Kopi, Tapian mandi tampek manyasa, mak supayo entieng karajonyo. Kalou hanyo untuok baso basi dan malapehkan hutang sajo nanpaknyo, sadang kan inyo baharap supayo dapek sato dalam alek tu. Bak itu juo dalam ma imbou malin, biasonyo disampieng ma imbou juo diadokan “ manjapuik “.

7.BAKIBOT ,adolah marupokan acara wajib dalam satiok Baralek di Ranah Nata manggantikan Dikie Tamat Kaji. Bakibot bukan lanjuiktan dari acara Baralek, sabab dalam kamus Adat Istiadat indak ado acara kibot do, tapi badasarkan salero. Disiko tajadi bamacam ragam “ Ajang Rupo Tampilan Irama jo Suaro alias ARTIS “. Ado gaya cacieng ka angektan,anjieng batali-tali,batulak arun, basitonjak, basiampeh puleh jo bakalesong ba irama manumbuok,pabrik sa inggo ma ilangkan SI RANCAK ADAT salaku padoman ba seni budaya di Ranah Nata,

8.MILAD atau Harja atoupun Ultah yaitu mulei tapancanyo kito di dunieko. Sabana nyo acarako indak ado dalam Islam do. Itu ndak paralu diparingekti jo mamelok acara kacuali diri sandiri maingek dimano jatah hiduik makin bakurang dan batam bah dakek ka mati. Tapi ado pulo nan mamaelok acara khusus yaitu mamacahkan taluo ayam jo balau di ateh kapalo urang nan bamilad tu, lalu disiram jo ayie. Iko mancontoh dari lua Islam, tapi jadi acara wajib bagi sikolah Islam.
Untuok “ Maniti Langkah Karano Modern “, Sikolah Taman Kanak-kanak Aisyiah Busthanul Athfal (ABA), TK Nurul Hidayah dan TK Negeri Pembina tatap ma adokan acara ko ka rumah anak nan ba ulang tahun sa inggo si anak musti paid an mambaok kado nan acaranyo dipimpin dek Guru TK dimano si anak basikolah. Sabananyo indak jamaknyo TK Islam mangarajokan acara nan bukan dari Islam tu. Kadang, bagi nan kayo pakei kibot pulo nan mamakei biaya bak itu gadangnyo.

9.BA MIK yaitu mamakei sound system mak daerah tadanga suaro tu. Hampie sa tiok musajik jo surou mamelok pangareh suaro untuok mangumandangka bang (adzan) sadareh-darehnyo, waloupun di subalah atou jirannyo ado nan kurang sehat. Kalou untuok mangumandangkan bang jo suaro nan bapitunang cando buluoh parindu, itu sangat dianjuokan, tapi kabanyak cando suaro kambieng disumbalieh atou kurang bulan. Abih kamano nan rancak-rancak suaro tu ?. Kalou untuok sholat atou sumbayang, bo raso kurang pado tampeknyo dan mungkin tamasuok riya. Nan jangganyo, ado pulo sholat bamik jo Imam sorang artis badikie/badendang nan mamelok irama mambaco fathihah jo sikambang, mambaco ayat jo irama abi bakrin atou irama batarain, batahtim nan ma akibatkan indak tantu panjang pendeknyo dek karano si Imam padamoman ka irama lagu, bukan bapadoman ka ilmu tajwid. Mungkinkah irama fatihah ba sikambang, baco ayat jo sahu jao ???. Tantu indak kan !!! Mano mungkin sariosa dipelok tripping. Bismillaaaaaaaaaahirrahmaaaaaaaaaanirrahim, bisa ko ?? Ado pulo nan aneh dima no sorang Imam mambaco guntuong atou saparo. Takbir dibaconyo Allaaahu Ak , bangkik dari ruku’ dibaconyo Sami’allaaahu liman ( iko nan tadanga di ruik awak).

10.PAKAKEH DAPUO , dek manuruikkan Maniti Langkah Karano Moderen, jaman kini banyak juo barubah Pakakeh Dapuo, maloupun rasonyo kurang lamak badaceh. Papan lado jo batu lado alah batuka jo blender,teko batuka jo spenser, kukuran baganti jo masin,pariuok/balango,kampie nasi baganti jo majikom, kayu api baganti jo miak tanah,papik baganti jo kulkas dan lain sabageinyo. Baa kato gulei nan ka padeh, nan padeh tu bana indak pacah do (bijo lado). Bak itu juo lauok ,indak manih basagu rasonyo lei dek alah dipapik kulkas tu. Apolei maso kini ko listrik nan indak bakatantuan dan kalou iduikpun arusnyo acok randah. Baun kantuik balapieh nasi nan di majikom tu.
Ikolah babarapo bantuok kacak nan alah maniti langkah karano moderen ( Malakamo) nan alah bajalan dan alah mambudayo di Ranah Nata, kironyo dapek kito pelok’i nan sabananyo, supayo kito jangan masuok ka pabauektan nan sio-sio dan bukan dari Ugamo nan kito nauik. Smoga !!!.

POS GAUN

POS GAUN
POKOK SAKETEK GADANG UNTUONG
Oleh : Shaff Ra Alisyahbana Dt.Malako

Kalau di Nataisasi kedalam bahasa Melayu Pesisir ( Mesir ), adalah tempat adanya pakaian gaun yait baju rok kebaya wanita. Yang dimaksud dengan POS GAUN dalam tulisan ini adalah “ Pokok Saketek Gadang Untuong yaitu Modal Sedikit dengan memperoleh keuntungan yang besar.
POS GAUN sangat populer di Indonesia dan di Madina khususnya. Suatu pekerjaan borongan oleh si Pemborong yang berawal dari 100 % untuk calo 20 %, dipergunakan 50 % dengan memperoleh keuntungan 30 %. Sedangkan yang sebaiknya, borongan dipergunakan 75-80 %,jadi keuntungannya 50 %. Hal inilah yang mengakibatkan banyaknya bangunan baru atau renovasi yang cepat roboh karena tidak sesuai dengan denah/gambar yang dibuat, karena sudah diraup dari beberapa hal.
Mungkin juga demikian halnya dengan jaringan listrik yang hampir seluruh pelosok sudah menik mati, walaupun tidak begitu nikmat karena voltage rendah. Kematian listrik mungkin menguntungkan bagi petugas dan merugikan bagi pelanggan. Banyaknya bola lampu yang putus/rusak atau peralatan yang rusak dan lain lain nya.Memang manusia punya rencana, tapi keputusan ditangan PLN.
Saat sekarang ini, kalau tidak memakai bola lampu 45 watt yang harganya Rp.50.000.- perbuah , jangan diharap rumah terang benderang. Lain halnya dengan pengoperasina TV atau computer, dapat di operasikan setelah jam 23.00 wib. Di era serba sulit ini, bagaimanakah membeli bola lampu yg sampai 5 atau 7 buah, “ kungkuong dapuo saja indak barasok ??? “.
Adakah wakil rakyat yang memperjuangkan penderitaan rakyat ini ??. Apakah mereka benar mewakili rak yat atau mewakili partai atau hanya mensyahkan Perda saja ??.
Engkau duduk disana karena suara rakyat yang memilihmu, tapi kenapa suara rakyat itu tidak kau dengarkan , sementara gedung mewah kau bangun dengan megahnya diatas penderitaan rakyat.
Rasanya , menyesal kami memberikan suara kepadamu Saudara ku, sedangkan penderitaan ku dan kami tak kau perjuangkan selaku kau Wakil Rakyat.
Lihatlah begitu luasnya tanah adat atau ulayat di Ranah kelahiranmu,orangtuamu dan nenek moyangmu yang telah disawitkan oleh beberapa Perusahaan, sudah berapa orangkah yang telah menjadi peserta petani plasma ???. Tanah tempat orangtua dan nenek moyangmu mencari nafkah untuk melangsung hidup dan kehidupan orangtua mud an juga kemungkinan termasuk kau, hilang lenyap dan tidak tahu lagi kemana dan dimana lahan mata penca harian nafkha untuk menghidupi keluarga. Sadarilah Saudara ku, kau dibesarkan bukan dengan “ bareh basalang “ tapi dari warisan nenek moyangmu, dimana dulu orangtua mu mencari rotan, kayu kayan, damar, ikan lele , ke menyan, lagan dan lainnya. Tapi mata pencaharian ini tinggal kenangan dan bermenung sambil melihat lambaian daun sawit yang menghijau, dimana limbahnya nanti akan mematikan benih ikan dilautan, sebab lim bah itu akan mengalir melalui sungai Natolu,yaitu sungai Batang Batahan, Batang Nata dan Muara Batanggadis, dimana dihulunya telah berdiri PKS.
Tanah adat atau ulayat telah “ dilapa-lapa “oleh penguasa dan diwariskan kepada pengusaha dengan arti kata,tanah persukuan telah beralih menjadi tanah perseorangan, tanpa memberikan “ bunga tanah “kepada ahli warisnya yaitu masyarakat adat penghuni nagari tersebut.Ingatlah kata adat > “ karimbo babungo kayu (10%),kahutan babungo aleh (10%) ,kasawah babungo ampieng (10%) dan katambang babungo tanah (10%)”.
Kemanakah mencari nafkah untuk mencari hasil hutan peninggalan nenek moyang kami dan kita? Singkuang yang terkenal dengan “ ikan lelenya “,sekarang sudah hilang dan tak ada lagi.Panggautan Patiluban,Kampungsawah dan lainnya yang dulunya tempat “ ma arik kayu “,mencari rotan,melukah limbat,mencari kapur barus dan menyadap getah lagan,sekarang tidak ada lagi.Alangkah baiknya bila mereka menjadi peserta petani plasma, agar kelangsungan hidup mereka terjamin dan anak – anaknya bisa bersekolah mencapai cita-citanya.

Ada orang pintar berkata adalah demi untuk kemajuan ekonomi rakyat. Rakyat yang manakah yang maju itu ? Yang akan maju adalah pengusaha yaitu “ memperkaya orang kaya “. Mungkinkah nanti para masyarakat akan mengais remah kesamping meja tempat menghitung uang hasil dari tanah ulayatnya atau ke tong sampah tempat Saudara ku duduk mewakili kami ??? Kalau dikatakan dalam rangka meningkatkan pendapatan daerah, yah…. Sudah berapakah daerah mendapat penghasilan dan adakah Ranah Nata ( Natal ) memeroleh bagian dari penghasilan itu ?.

Begitu besarnya dana masyarakat mengadakan demontrasi damai menuntuk hak ulayatnya, sudah berapakah yang berhasil dan menjadi peserta petani plasma ?? Karena salah langkah, terjadi berbagai tragedi seperti Nata Aksi Demo ( NAD ) yang melahirkan SERGAP ( serentak tigapuluh April ) dikarenakan NASI ( Nata Simpanggambir) yang sampai kini masyarakat masih trauma. Bila secara baik-baik mendatangi yang berwenang, pihak terkait meminta surat tanah atau fakta yang faktual. Kalau kita boleh bicara “ Aapakah ada penyerahan tanah itu dari pihak KERAJAAN KEPADA REPUBLIK ???. Jika kita orang yang berpendidikan dan paniai baca tulis serta mengerti dengan ADAT ISTIADAT, permintaan yang bagaikan “ MEMINTA TANDUK KUCING “. Apakah yang dimaksud dengan ADAT ???

ADAT ADALAH BAHASA SANSKERTA + 250 SEBELUM MASEHI, YANG BERARTI A = TIDAK , DAT = DATUM YAITU TIDAK MERAJAKAN BENDA/ORANG (MATERIALIS/CULTUS INDIVIDU , TIDAK BERTANGGAL , TIDAK TERTULIS DAN TIDAK TERPEDAYA OLEH HARTA , BENDA , TAHTA DAN WANITA “.
SUDAH JELAS TIDAK TERTULIS DAN BERTANGGAL , KENAPA DIMINTA SURAT TANAH ??? ADAPUN PENINGGALAN SEJARAH , APAKAH MEREKA TIDAK PERNAH MELIHAT RUMAH GADANG YANG BERDIRI DI SIMPANG BADANYUIK ATAU MAKAM RAJA DATUK IMAM BASYA, PANGERAN INDRA SUTAN RAJO PUTIEH DAN DATUK BASYA NAN TUO DI JIRAT MALAKO, MUDIEK AYIE – PALAK TALEH KAMPUNG SAWAH KECAMATAN NATAL ???.
KALAU DIZAMAN KERAJAAN “ PUTIH DIATAS HITAM “ YANG PEMBERIAN HAK OLAH TANAH BERDASARKAN HASIL MUFAKAT DAN KEIKHLASAN MASYARAKAT ADAT ( TANPA SURAT ), SEKARANG “ HITAM DI ATAS PUTIH “ YAITU SURAT IZIN OLAH TANAH ATAUPUN SERTIFIKASI YANG DISEPAKATI OLEH KEPALA DESA DENGAN PENGUSAHA BERSAKSIKAN DUA ORANG YANG DIMINTAKAN DAN DISAHKAN DENGAN TANDA TANGAN KADES , METERAI DAN STEMPEL.
ENTAH LAH …!!!
Catatan : Ma'af !!! > Tulisan ini bukan hujatan, tapi isi hati penulis.

ANCAMAN ZAMAN

ADAT DALAM TANTANGAN ZAMAN

di Binjek dari Buku Adat Budaya Mandailing dalam Tantangan Zaman
oleh H.Pandapotan Nasution, SH. Di Nataisasi ka dalam baso Melayu Pesisir ( Mesir )
oleh Shaff Ra Alisyahbana Dt Malako.

Pandahuluan : Untuok mangana patamuan panulis jo Bapak H.Pandapotan Nasution SH
via Bapak H.Mastar “Ain Tanjung BA di Kantor Redaksi Majalah Forkala
Sumut pado tahun 2000 dalam rangko manarimo rakat tulisan nan dimuek
di Majalah Forkala, saya binjek beberapa tulisan baliou untuok kito
katahui basamo. Salamt Mambaco !!!

Adat sifatnyo indak tatulis,adat ditandoi masyarakat,hiduik didalam bamasyarakat. Untuok mangatahui adat istiadat tu ,kito harus iduik bacampuo bauoh dan manyatu dalam masyarakat. Adat, baiek sacaro hokum maupun sabagei adat istiadat anyo dapek dipahami jo manyamali kahiduikpan, manyalidiki asal mulonyo dan mancari caronyo urang manarangkan.
Ado babarapo istilah nan dipakei taradok adapt istiadat tu nan didalam pangaratian hokum nan indak tatulis disabuik jo hokum adat yaitu Adat,Adat Istiadat,Adat nan Taradat damn ASdat nan diadatkan.
Kato adapt barasal dari baso Arab nan alah batarimo dalam basi Indonesia. Prof.Dr.R van Dijk bakato : “ Mulonyo istilah itu bararti kabiasoan di Indonesia nan marupokan paraturan tingkah laku bak manopun juo. Bamuektan paraturan dan hukum nan mangatur hiduik bamasyarakat basamo urang lain “. Hukum Adat dan adapt indak dapek dipisahkan jo garis hitam, kato van Volleahoven. Jikok adapt kabiasoan tu tarui manarui balaku dalam masyarakat nan sabalunnyo bukan kabiasoan, manjadi adat indak sangajo dan ikolah nan dikatokan Adat nan taradat. Sadangkan kabiasoan didalam masyarakat nan badasarkan kaputusan adapt ditarimo manjadi adapt kabiasoan,ikolah nan dikecekkan Adat nan diadatkan.
Dari siko dapek kito pahami dan ma ambiek satu kasimpulan dimano adapt istiadat dapek barubah sasuei jo pakambangan jaman. Parubahan adapt istiadat bukan ba arti ma apui nan lamo dan diganti jo nan baru. Parubahan tajadi dek karano pangaruoh kajadian-kajadian nan silieh baganti. Adat istiadat murah manyasueikan diri sacara garis hitam adapt istiadat dipangaruohi dek Ugamo, Kaadaan, Lingkuongan dan Modernisasi. Untuok itu paralu dicari caro nan tapek padek supayo Anak Mudo Nagari tatariek mampalajari adapt istiadat nagarinyo, sa inggo :

1. Adat adolah milik rakyat, bukan milik kalompok masyarakat (fiodalisme).
2. Adat manjadi jati diri tiok suku nan dapek manjadi parakek kasatuan banso.

Salanjuiknyo ambo Nataisasikan ka baso Mesir tulisan dari Bapak Dt.B.Nurdin Yakub dalam bukunyo Minangkabau Tanah Pusako nan babuni sabagei barikuik :

1. Pangaratian Adat.

Kato adat barasal dari baso Sanskerta yaitu a = indak, dat = datum > rajo, tanggal,tulis,tapidayo Jadi adat tu adolah ;
a). Indak marajokan bando/urang (materialis/cultus individu).
b). Indak batanggal.
c). Indak tatulis
d). Indak tapadayo ka harato,bando,tahta dan padusi.

Kamudian masuok Ugamo Islam, mako adapt dalam baso Arab bararti ;

a). Kabiasoan nan ba ulang-ulang
b). Paradaban
c). Limbago
d). Paraturamn

badasarkan makna,tafsir dan surah kato adapt sarato diliek dari pamakean kaduo asal kato ko, jadilah adapt falsafah hiduik. Sabananyo, sado daerah mampunyoi adat dalam arti “ kabiasoan nan ba ulang-ulang “ nan di taati dek rakyat banyak, tapi urangtu indak mamakei istilah adapt itu umpamo di Minahasa dinamokan kabiasaan, Nias dinamokan bawo, Batak Karo dinamokan bicaro, di Jawa dinamokan toto kromo, Sumba dinamokan uku, dan di Batak Salatan dinamokan ugari. Kini ko kato adapt tu alah manjadi bahasa Indonesia.






2. Pambagian Adat.

a. Adat nan basandi Sabana Adat (hukum Alam,sacral).
b. Adat Istiadat yaitu adapt nan babeda-beda dimano-mano,
c. Adat nan diadatkan yaitu hasil kaputusan rapat tiok nagari ( lain lubuok lain ikannyo, lain padang lain bilalangnyo ).
d. Adat nan taradat, kabiasoan sa waktu-waktu (insidentil) karano maniru-niru.


3. Budi dan Adat.

Dasar Hukum kasusilaan manuruik adapt iyolah “ budhi “ yang dipandang sangat mulia. Iko dapek kito like dalam pantun :

Sikajuik di Sumuo Batu
Busuok di asak dari Guguong ,
Hiduik kak indak ado malu
Duduok tagak kamano cangguong

Sukumpei di Tapian Batu
Sugi-sugi di Kampuong Tenggi ,
Nan pandei sungguoh baguru
Nan tenggi tahu ba budi

Dari belok ka Malako
Silagundi di pakuok mati ,
Dek elok urang ka suko
Dek budi jatuohlah hati

Kabiasoan-kabiasoan baiek nan salalu barulang di ambiek sabagei ukuran kasusilaan “ Mamaek didalam garis, bakatao dalam pusako”. Barangsiapo nan babuek indak sapadan jo kabiasoan-kabiasoan baiek itu dianggap indak babudi atau indak basusila. Urang nan babudi tahu pado disiplin moral. Disiplin moral mangakibatkan satiok urang dapek batindak elok karano adonyo salieng picayo mampicayoi. Jo disiplin moral tu urang dapek mambuek dirinyo batangguongjawab tahadok lingkuongan, masyarakat, banso dan Negara. Akienyo disiplin morallah nan manim buohkan nilei-nilei kasadaran dalam arti nan sabana-bananyo sasudah malalui proses kasadaran hukum- moral talabieh daolu sajak dari rumah tanggo.

Kato budhi barasal dari baso Sanskerta Budhdhi nan artinyo :

1. Tahu mambedakan mano nan salah dan mano nan bana (bapikiran waras).
2. Tahu mambedakan mano nan buruok dan mano nan rancak (parasaan halui).
3. Batabiat,kakubeh dan parangei nan mulia (batarimo kasieh dan basyukur, bamoral nan tenggi).
4. Bakabajikan dan badayo upayo nan ikhlas (baprikamanusiaan).

Urang nan babudi dinamokan budiman dan sorang budiman iyolah urang nan mamacik papatah “ Aka nan manjalani, budi nan marangkak,untuong nan manyudahi “.
Untuok manjado kaharmonisan pagaulan, baso nan dipakei dalam basilaturrahmi mambagi kato-kato ateh :

1. Kato mandaki dihadokkan kadakek urang nan labieh tuo atou dituokan.
2. Kato manurun dihadokkan kadakek urang nan labieh mudo.
3. Kato malerieng dihadokkan kadakek urang sumando dan kaluarga pihak sumando (ipa bisan).
4. Kato mandata dihadokkan kadakek kawan samo gadang atou sapangkek.

Hubuongan antaro sadonyo kaluarga :

1. Hubuongan batali darah
2. Hubuongan batali adat.





Hubuongan di lua suku :

1. Hubuongan sumando manyumando.
2. hubuongan andan pasumandan.
3. Hubuongan bako mambako.
4. Hubuongan ipa bisan.
5. Hubuongan babapak-baranak a.dusanak bapak b.dusanak sabapak

Sadaonyo hubuongan tu janguok manjanguok, sahino samalu dan Bantu mambantu.

HUKUM TANAH ADAT

HAK-HAK ATEH TANAH ADAT
di Binjek dari Buku Adat Budaya Mandailing dalam Tantangan Zaman
oleh H.Pandapotan Nasution, SH. Di Nataisasi ka dalam baso Melayu Pesisir ( Mesir )
oleh Shaff Ra Alisyahbana Dt Malako.

Pandahuluan : Untuok mangana patamuan panulis jo Bapak H.Pandapotan Nasution SH
via Bapak H.Mastar “Ain Tanjung BA di Kantor Redaksi Majalah Forkala
Sumut pado tahun 2000 dalam rangko manarimo rakat tulisan nan dimuek
di Majalah Forkala, saya binjek beberapa tulisan baliou untuok kito
katahui basamo. Salamt Mambaco !!!

A. Hak-hak Ateh Tanah manuruik Hukum Adat.
Sabalun jaman panjajahan masyarakat hukum Adat mampunyoi aturan tantang hak-hak ateh tanah. Tanah dimano satu masyarakat hukum Adat batampek tingga adolah marupo kan hak ulayatnyo. Masyarakat Adat Ranah Nata mampunyoi hak ulayat masieng-masieng. Tanah mampunyoi kadudukan nan sangat paralu bagi satiok urang nan di dalam hukum adat disabuikkan marupokan kanyataan :
1. Tanah marupokan tampak tingga pasukuan.
2. Ma agie kahiduikpan dakek pasukuan.
3. Tampek masyarakat pasukuan bapandam pakuburan.
4. Tampek tingga niniek muyang pasukuan.
Satiok masyarakat adat nan bakumpuo di pasukuan hokum mampunyoi hubuongan tu basifat kakuatan ugamo. Pasukuan hukum tmampunyoi hak untuok manguasoi tanah tasabuik mampagunokan nan ma ambiek hasil saumpamo tumbuoh-tumbuohan, kayu, rotan, kapuo, baburu dan lainnyo.
B. Hak Pasukuan

Hak Pasukuan ateh tanah, disampieng balaku didalam pasukuan juo balaku kalua. Urang-urang dilua pasukuan indak dibuliekan sato mampagunokan, tanah hak ulayat pasukuan kacuali di satujui dek pasukuan dan wajib mambayie kepieng masuok (bungo). Balaku kadalam dek karano sadonyo adolah Sakoum Saparinduan. Satiok warga anggota pasukuan mampunyoi hak untuok mangarajokan/mangakok atou mausahokan sabidang tanah patanian. Mako tajadilah hubuongan pasaurangan antaro sorang warga jo tanah tu. Jikok hubuongan putui, mako hak pasaurangan ilang dan hak pasukuan manguasoi (beschikkingsrecht), baliek ka pasukuan.
C. Hak Pasaurangan.
Didalam lingkuong hak ulayat satiok warga mampunyoi hak untuok manaruko dan ma usahoi tanah di dalam hak ulayat pasukuan. Mako tajadi hubuongan antaro warga jo tanah. Ado babarapo hak pasaurangan ateh tanah ulayat di dalam hak ulayat, yaitu :
1. Manabang kayu talabieh daolu mamelok tando supayo urang lain bisa tau, kayu tu alah banampunyo. Takok dibari tenggang wakatu babarapo bulan, baru bulieh di tabang.
2. Ma ambiek hasil hutan sa umpamo rotan, kapuo, banieh,kumanyan,lagan dan lainnyo.
3. Baburu binatang saumpamo ruso,kancie,kijang,bingkunuong,napuoh, tapi mintak izin labieh daolu.
4. Mambolo taranak di dalam tanah ulayat pasukuan.
5. Mambukak tanah nan harus mandapek izin ( surek izin olah tanah) dan ma agie bungo tanah ka pasukuan.
6. Hak wenang pilieh yaitu jikok mausahoi tanah di pelok patok/sipadan. Bilo indak di kakok/dikarajokan dalam jangko wakatu tatantu, wajib dibaliekkan ka pasukuan.
7. Hak wenang bali bagi warga pasukuan dan indak bulie urang lua pasukuan. Hak wenang bali di agie dakek * sanak sudaro di daolukan dari nan bukan sanak sudaro * anggota lain dari pasukuan nan manganyampiengkan urang lua pasukuan * pamilik tanah babateh.
8. Hak punguik hasil tajadi apobilo nan mausahoi tanah mahasilkan untuk sakali panen sajo.
9. Hak milik jikok tanah diusahokan sacaro tarui manarui bahkan sampei turun tamurun di tanami tanaman tuo. Hak milik bulieh hilang bilo indak diusahokan laid an manjadi samak samun ataou ditinggakan bak itu sajo.
D. Transaksi

1. Jua Gadey yaitu panyarahan tanah jo bayie kontan. Tanah baliek bilo mambaliekkan kepieng.
2. Jua Lapeh yaitu panyarahan tanah jo bayie kontan dan jadi milik salamunyo.
3. Jua taunan yaitu panyarahan tanah jo bayie kontan salamo sataun bulieh diusahokan dek nan ma agie gadey.
E. Hukum Tanah Adat pado jaman Panjajahan.
Pado jaman panjajahan Anggarey (Inggeris) dek Stamford Raffles badasrakan panyidi kan manariek kasimpulan dimano sado tanah adolah milik Rajo ( Kerajaan ) atau Gubernemen nan manyewakan ka dakek patani. Raffles manatapkan pajak bumi (landrente) Kudian di jaman Ulando (Belanda) tiori Raffles diubah manjadi milik Gubernemen dan ma adokan pajanjian jo nan punyo sawah lading,dimano pajak bumi ditatapkan 2/5 dari pangasilan, tapi 1/5 musti ditanam jo tanaman tuo saumpamo kopi,karambie dan lainnyo (culture stensel).
Salanjuiknyo ambo sampaeikan tulisan dari Bapak Dt.B.Nurdin Yakub dalam bukunyo Minangkabau Tanah Pusako jo Nataisasi baso Melayu Pesisir ( Mesir ) sabagei barikuik :
1. Tanah dan Pasakutuan Hukum.

Badasarkan kapentiengan basamo nan babeda-beda, timbuohlah macam ragam Pasakutuan Hukum diantaronyo :
a. Pasakutuan Hukum Genealogis, hukum untuok kapentiengan basamo nan disababkan ikektan kaluarga.
b. Pasakutuan Hukum Teritorial, hukum untuok kapentiengan basamo tantang tampek tingga atou tanah.
c. Pasakutuan Hukum Genealogis – Teritorial yaitu pasakutuan sakaligus mangan duong Hukum Keluarga (Hukum Waris) dan Hukum Tanah.
Ditampek-tampek lain ado juo pasakutuan hokum sarupo itu saumpamo di Enggano,Seram,Buru, Batak dll. Tanah didapek jo jalan : * Batambang basi
* Batambang Ameh * Wakaf,hibah * Diwarisi.
Tanah batumbilang basi (cancang tarah, tambang taruko) dan tanah nan diwarisi dynamo
dinamokan Pusako Tenggi. Harato Pusako disabuik juo harato amanah. Tanah-tanah tasabuik nan ka manjadi tanah koum atou tanah suku dan indak bulieh manjadi Pusako Koum lain, malainkan jadi pusako turun tamurun kadakek kamanakan, cucu piuik dalam buah paruik. Salain dari tanah pusako nan tasabuik di ateh ado pulo tanah ulayat (wilayah), yaitu sakalian tanah yang indak punyo koum ( indak bapunyo = rimbo,padang,bukik, jalan gadang,suak dll.) tamasuok tanah nagari nan dilinduongi dek Datuok-datuok.
2. PUSAKO .

1). Pusako Tenggi ( cancang tarah dan tambang taruko ) sa umpamo hutan,tanah,sawah,
ladang,tombak,cabang,ikek,galang,subang,carano,dulang,tabie,langik-langik dan sagalo macam ragam pakaian adat.
2). Pusako Randah yaitu baru sakali turun atou alun turun tamurun dan bilo alah turun tamurun di dalam koum dan jadi pusako tenggi. Kudian dipindahkan ka koum lain, umpamo anak, baliek manjadi pusako randah.
3). Pusako Guntuong yaitu harato pusako dari urang nan alah punah dan indak ado batali darah lai.
4). Sako yaitu gala atou pangkek jabatan.
Hukum adapt basandi Syara’, Hukum Syara’ basandi Kitabullah, Hukum Rumah basandi baud an hokum Aluoh basandi Mungkin jo Patuik.
Patuik manuruik hukum Syara’,tapi bilo indak mungkin manuruik hukum adat,hukum indak dapek jalan. Sabalieknyo mungkin manuruik hukum adapt,tapi indak patuik manuruik hukum Syara’, hukum juo indak dapek dijalankan. Gala pusako kabasaran di dalam adapt nan disabuik Sako, bulieh diagiekan kadakek urang batali adapt bak kato papatah “ Adat tali batali, pusako jawek bajawek,khalifah pakei mamakei “. Pangangkatan saumpamo iko bukan di dalam kato pusako, malainkan dalam kato mupakat, bukan manuruik cupak uasli malainkan cupak buektan yaitu “ pinangnyo satandan, siriehnyo sagagang,kapuannyo sapalik limo,gambienyo sapipie batahie ameh”.

J A K A R T A ( JADI KABUPATEN RANAH NATA )

J A K A R T A
Cipt.Shaff Ra Alisyahbana

Tambah tuo samakin randah
Tajang anou itu namonyo
Itulah nasib di Ranah Nata
Batambah ketek ulayatnyo

Jikok tuo batambah ketek
Itulah pisang jantuong namo
Dolu ulayat Batu nan Ampek
Kini Langgunei Sunduiktan Tigo

Reff.. Mari dirikan si Kabupaten
Kabupaten Ranah Nata
Supayo hiduik jadi paten
Jadi Kabupaten Ranah Nata

Koor Jakarta …. Oh…Jakarta
Jadi Kabupaten Ranah Nata
Kito lah salasei Pilkada
Mari tagakkan si Ranah Nata

Batugajah, Batumundam jo Batusondat
Sampei Batu Bakuduong itu ulayat
Suduiktan Tigo Langgunei Sijantuong
Ranah Nata banasib tajang jo jantuong

( SRY – 280605 ).

L I D A L A K U
Cipt.Shaff Ra Alisyahbana

Ranah Nata Melayu Pesisir
Kami kenalkan lewat Sinden Mesir
Di Seni Budaya di lambangkan
Itulah kesenian Tari Salapan

Salapan Suku di Ranah Nata
Limo Datuok nan mamarentah
Datuk Ketek adat Aceh
Ngumpel ngon Nata pegot

Dari Suku Barat Datuok Putieh
Palembang Bangkulu jo Bugih
Datuk Mudo Banda Sapuluoh
Datang ka Nata pai bakumpuoh

Dari lambah Sorik Marapi
Inggo ka tapi ombak badabuoh
Batu nan Ampek sipasan nagari
Datang bakumpuoh nan dari jauoh

Sinaro Panjang basuku Minang
Ka Ranah Nata datang bakambang
Au sian Mandailing masuku Rao
Datuk Sutan Pangulu sian na dao

Indra Sutan jo Datuok Imam
Datang manyusuok Ranah Nata
Rajo nan Ampek puluoh anam
Tuanku bakuaso nan ba titah

Lo ‘ mudehe moto ‘I Niha
Bo ‘ ro ’ Agama ba fa bo “ o
Tening kia be chut sia
Bo siang to il toi to

Dalam dendang kito basatu
Limo Datuok Salapan Suku

( SRY – 080605 ).

SING BARAT
Cipt. Shaff Ra Alisyahbana

Ikan dilaut asam digunung
Menjadi gulai dalam belanga
Hasrat cinta jangan di bendung
Jalan akhirnya ke tuan kadhi

L Manis si putrid Pesisir Barat
Murah guyu lan ramah tamah
Yen wis tresno neng hasrat
Adik tak suwun langgo nikah

P Makasuik cinto bulie tarimo
Asa kan tahu si urang tuo
Tantu di usuik jo pareso
Datang dari mano, abang siapo

L Aku teko soko Jawa Timur
Melok rombongan transmigrasi
Papan panggonku ing sadhulur
Ing Sikarakara Sirat Mandiliy

P Kok bak itu asal kirabat
Ka suku Barat kito baduo
Dari Jawa Barat pai ka Sirat
Di Ranah Nata kito basuo

L Yen pesta ing Sikarakara
Tanggap hadrah lan kuda lumping

P Kito Baralek di Ranah Nata
Naiek konteler jo lagu Badampieng

( SRY – 280204 – Sugianto ).

K I S S
Cipt.Shaff Ra Alisyahbana

Elok hubuongan Komunikasi
Dapek kaba si Informasi
Tantulah arek Silatur Rahmi
Solidaritas mari di isi

Komunikasi jikoklah elok
Informasi indak ba belok
Silaturrahmi manjadi intim
Solidaritas acok ta kirim

Reff KISS namo nan di pendekkan
Eloklah jago dan paliaro kan
Kito awasi sarato nyaman
Ranah manjadi suri tauladan

Komunikasi jikoklah telieng
Informasi tantunyo merieng
Silatur rahmi manjadi olieng
Solidaritas pai nyo licieng

( SRY – 201008 ).

JAPUIK HANTARAN
Cipt.Shaff Ria Alisyahbana

L Oh diek Shaff Ria manga bamanuong
Apo mangana nasib jo untuong
Alah lamo kito ba cinto
Adat ba bedo mambatasinyo

P Uda Shaff Ra baitu juo
Piti hantaran nan alun ado
Piti panjapuik barapo pulo
Mambuek cinto sampei di siko

Reff Elok sapakat kito ba rumbuok
Japuik hantaran samo saparo
Nan makasuik hiduik ka isuok
Sakinah Rahmah ba rumah tanggo.

L Adiek lapeh piti panjapuik
Ambo lapeh kepieng hantaran

P Jikok talungguok samo di kauik
Kaloo baserak kito lungguokkan

L/P Kepieng hantaran buek syukuran )
Piti panjapuik modal bajualan ) 2 x.

( SRY – 101008 ).

BAKELAH UNCANG
Cipt.Shaff Ra Alisyahbana

Alah kambang bungo pitulo
Tajarang lamang di singok rumah
Mananti kicou unggeh cancebo
Puaso bonus salamat tingga

Ala datang pirieng juadah
Tadanga Takbir dari Musajik
Agie baragaie jirat subalah
Lamang katupek jo kue wajik

Reff Taqabbalallahu minna wa minkum
Nan bapuaso tantulah tasanyum
Jalang manjalang sadonyo koum
Tandonyo abih ibadah shoum

Kini lain corak barayo
Pambaok ilang ka urang tuo
Salam temple di mintak pulo
Sudah bakelah uncang pun tibo

( SRY – 120908 ).

SINDUANG LAPAN
Cipt. Shaff Ra Alisyahbana

Alah basuo timbakou jo pucuok
Ditambah lotieng mangko manjadi
Kalou nagari nandak di susuok
Timbako pucuok jo lotieng di cari

Didalam seni tari budayo kito
Ado nan biasa ka jadi contoh
Main Sinduang jo Tari Salapan
Itulah lambang tando parsatuan

Reff Ado Aceh Melayu Minang jo Rao
Mandailing Bugih Palembang Bangkulu
Sado Suku bagabuong di dalammnyo
Di dalam Seni Budayo sadonyo basatu

Ratok Anduong jo Onang – onang
Itulah Rao di Ranah Nata
Mandailing bacampuo nan jo Minang
RAO di dalam Seni Budayo

( SRY – 120908 )

MANJALAHI TAROMBO
Cipt.Shaff Ra Alisyahbana

Tagihan hamu sasudena.. Koum sisolkot di Angin Barat Tambangan
Ligin ma hami koum munyuon.. na marlagut di parsadaan on
IKS BADORANA di Ranah Nata , Mandailing Natal ...

Huta asal sian Angin Barat
Moyang Muridun Pancang Peje,
Kehe maranto tu Pante Barat
Di batu Tuanku inganan maripe.

Marengge-rengge tu Penang Malaysia
Mangoban rompah sian Ranah Nata ,
Tampang ni sawo dohot hapea
Baen di tanom di Kampung Sawah

Reff..
Hamu sudena di Angin Barat
Lehen hamu tarombo tu hami di Nata ,
Di ranto badan martambah mularat
Hami pomparni marga Batubara

Ompung ku pitu maranggi-anggi
Dua di Nata lima tu Pulo Pinie
Sarudung , Rukiyah dohon Rincang
Fakir Sarigandum, Hindun panyalpuan.

Andong mandokon marga Batubara
Andong mengecek margana Lubis ,
Tudia hami kehe giot marsapa
Harana sonnari zaman serba keritis

( SRY - 031208 ).

PASIR NATAS NATURA

DESIR PANTAI

PASIR NATAS - NATURA
NATA TABUYUNG SINGKUANG - NATA UTARA
Oleh : Shaff Ra Alisyahbana

Kalou pai ka Buburan
Manampuoh pasie karang jadi
Bia kasie ba jauohan
Maso disiko kasieh badiri

Ikan banamo solu-solu
Dija;lo anak Taluok Balei
Alah lamo kami sudah tau
Mangapo kasieh tabangkalei

Gadang ombaknyo Taluok Balei
Karam biduok susuok batino
Dunieko indak lamo di pakei
Narako isuok kan manarimo

Karimbo ka Taluok Balei
Baokkan aka kalimpanang
Kok jadi topan jo badei
Lauik dimano nan ka tanang

Kamunieng di Batu Sirah
Urek manjelo dalam lauik
Putieh kunieng babaju sirah
Itu manyansei timuo lauik

Gadang ayie jambaktan Karan
Kajei gadang di dakek nipah
Sadang kasieh kini kararan
Sampei sayang talakek sudah

Balayie biduok dari Nareh
Balabuoh tantang Muaro Karan
Kasieh sayang umpamo tareh
Tumbuoh kambang saiyo jalan

Panggautan kampuong nan langang
Parik ba paga pandan abu
Lauik intan ba paga karang
Dimano pelang nan ka lalu

Labuan kapa Sikarakara
Pasie curam pincuran Taluok
Jangan takanei karano murah
Bagei mamaram cubadak tipuok

Pulou Unggeh Karambie Tenggi
Tampak mantari di tapi lauik
Palak maleleh kaki lah tingki
Karano diri basakik iduik

Banyak tangguok di Bintue
Masak bubuo di Buburan
Indak ta angguok bakalambue
Nandak basuo jo palangkahan

Pasa Buburan tanam karambie
Banyak urang batanak miak
Dek palangkahan mangkonyo bulie
Kandak urang ba tulak indak

Taluok Balei Sunduiktan Tigo
Kawalan rimbo Sikaduduok
Mangko lalei tolan di siko
Takilek ikan dalam lubuok

Taluok Balei Sunduiktan Tigo
Siso tumbilang dek panggali
Mangko tolan lamo disiko
Maliek kambang mulo jadi

Pasa Kunkun batembok sabuok
Sabuok batembok karang jawi
Ari paneh ta angkek kabuok
Tampak gunuong marawang hati

Taluok Bayuo di Pondok Rambe
Lalu balayie ka Pulou Tangah
Tadayuok hati ka nan langke
Ramuok bapikie jo pangana

Tabuyuong di lingkuong tanjuong
Di Barat Pulou Ringawan
Pagi ari duduok bamanuong
Hiduik mularat dari kawan

Urang Manuncang pai ka Kunkun
Caliek sabanta ka Panunggulan
Badan bakuncang dalam kalumun
Ambiek banta jadi tumpuan

Singkuang muaro Tabuyuong
Siondop duo kualonyo
Tabuang badan karano untuong
Dangakan sajo baritonyo

Singkuang pasienyo lumek
Pasie bacampuo karang lokan
Bagei Nabi sayang ka ummek
Bak itu kasieh pado tolan

Tinggi bukiknyo Sulang Alieng
Tampak nan dari Salebaru
Adiek sapantun balieng-balieng
Hati bimbang kami lah tahu

Rang Salebaru ka Batumundam
Manompang tiduo di Sikapeh
Badan talaru ba hati dandam
Layong basapuoh cando ameh

Dari Hutaimbaru ka Ranto Panjang
Singgah bamalam di Lubuokkapunduong
Indak tantu di rantou urang
Eloklah pulang manyusuok kampuong

Pulou Iliek di ambang pintu
Aluan biduok ka Siboga
Maliriek subaliek pintu
Maliek lauok dalam bangka

Pulou Bakah Nasi Satungkui
Dibaliek Pulou Lipek Kain
Sauoh saka pandarek putui
Aluan batuka na nan lain

Balayie biduok ka Singkuang
Balabuoh tantang Pulou Iliek
Ibo di dagang nan ta buang
Kok untuong isuok mambari baiek

Singkuang rami di ulu
Sikudidi makan di pantei
Induok samang saba dak olu
Malakik utang alun lansei