PANTAI " NUN & TA " RANAH NATA

A M A N A T S A D A K ( 1 )
Asal Muasal Nama Ulayat di Ranah Nata
Oleh : Shaff Ra Alisyahbana Dt Malako

Sanak sudaro, baiek Sanak, Dosanak atou Badosanak kasadonyo ! baiek nan barado di Ranah Nata maupun di lua Nagari dimano sajo batampek tingga. Sambie mandangakan kaset Dendang Pesisir Pantun Berantai ( DESIR PANTAI ) atou lagi Sinandong Dendang Melayu Pesisir (SINDEN MESIR) RANAH NATA, kaluaran Studio SRY MUSIC Ranah Nata, kami baok sanak untuok mandanga curito tantang Asal Muasal Namo Ulayat Ranah Nata(AMANAT) nan dapek ambo kumpuo dari babarapo curito dari babagei sumber. Salamat mambaco !!!

PANTAI “ NUN “ dan “ TA “ RANAH NATA.

Masak padi urang Nata,
Dituei anak Taluok Balei.
Tagak lakeh si Ranah Nata,
Mulei marubah taruok sansei.

Tau ko sanak sudaro asal muasal namo ulayat di sapanjang bibie pantei Barat Ranah Nata kito ko ? Tantu ado juo nan indak tau dan kurang tau. Aaa... bak iko curitonyo. Eee....,tapi salah bananyo panulis indak tau do, sabab curitoko turun tamurun dicuritokan dek Uci-uci wakatu maniduokan cucu-cucunyo dizaman daolu. Asa mulonyo adolah dari curito Minang yaitu sorang Puti Barambang Sari jo Rajo Biluluok.
Alkisah dizaman baholak tinggalah sapasang suami isteri laki bini di Tanjuong Bungo, Kualo Tuo Ranah Nata. Dimaso-maso tulak arun, urangko pai ka Ranah Minang sambie babulan madu. Pado jaman itu adolah musimnyo bajak lauik diantaronyo banamo Rajo Biluluok nan ganas jo garang.Dek karano inyo mamakei rantei yaitu buah biluluok nan di atuo, mako inyo dibari gala Rajo Biluluok.
Puti Barambang Sari nandak pulang ka Tanjuong Bungo, pulang dari Ranah Minang. Tuan !!! Kato Puti kadakek suaminyo Sutan Sinata. Pincalang kito alah ilang dicilok urang dan eloklah kito pai karimbo mamelok biduok pincalang, mak bisa kito pulang ka Ranah Nata.Ajakan Puti ko dilakukan dek lakinyo mambuek sabuah biduok pincalang dan dicarinyolah sabatang kayu ipuoh dan kuliknyo dipelok untuok layie. Sasudah siap, urangko bakameh untuok mambaok baka dijalan saumpamo nasi sabungkui, kain nan balipek,bakah dan tampuruong karambie sabagei mundam untuok manimbo kok ado ayie nan masuok ka biduok nantinyo.
Ruponyo kabarangkektan Puti Barambang Sari jo Sutan Sinata dikatahui dek Rajo Biluluok. Pado suatu hari barangkeklah urangko manuju Ranah Nata untuok pulang dek karano ladang alah lamo ditinggakan, takuik abih tanaman dimakan karo jo cingkuok.

Ditantang Sawang Pinang Taluok Sinata, urangko dikajuikkan dek datangnyo Rajo Biluluok mangaja dari balakang, sa inggo urangko kawalahan dek karano Rajo Biluluok nan ba alemu hitamtu bisa kancang pincalangnyo nan bak kilek jalannyo.
Pado suatu tampek, si Puti Barambang Sari nan manjadi Juru Batu, tahantak galahnyo disabuah karang dan inyopun manukiek, Ujuong Tuan.....,ujuong Tuan !!! Dek mujuo dak dapek diraieh dan malang nan indak dapek ditulak, biduok ko karam dibantei ombak jo galombang nan mahampekan biduok urang tu. Tampek tatumbuok galah cako tu sampei kini dinamokan UJUONG TUAN dan galah hanyuik dan tatahan disabuah bukik dan itulah kini banamo BUKIK SINANGGALAH di BATAHAN.Adopun bakah nasi satungkui jo kain nan balipek itulah kini puluo-pulou ketek disapanjang PANTAI NUN dan TA yaitu puluo BAKAH, NASI SATUNGKUI dan LIPEK KAIN. Sadangkan tampuruong banimbo ayie tu itulah BATU MUNDAM.

Para pambaco kasadonyo. Ik

JAMBUOH RAO & JAMBUOH ACEH

A M A N A T K L O P A K ( 3 )
Asal Muasal Nama Ulayat di Ranah Nata
Oleh : Shaff Ra Alisyahbana Dt Malako

JAMBUOH RAO & JAMBUOH ACEH .

Ujuong Rakat barambang guutong,
Haluan biduok nandak ka Nata .
Alah sapakat urang di kampuong,
Tujuan susuok kabupaten Ranah Nata.

Dijaman pamarentahan Rajo ka-VII,Tuanku Besar Si Hintan yaitu pado maso Parang Paderi di Kerajaan Ranah Nata di Malako, kapa-kapa Sipatokah acok singgah untuok macari bahan rampah-rampah. Antaro Kerajaan Ranah Nata di Malako jo Kerajaan Linggobayu di Simpang Bajambah salalu arek silaturrahmi urangtu jo Kerajaan Batahan nan dirikan dek urang-urang nan datang dari Indopuro, Sumatera Barat.
Pado wakatu ikolah barangkek Tigo Rajo ko nan diibaratkan Tali Bapilin Tigo bajalan sampei ka Kerajaan Ketek Tabuyuong nan rajonyo banamo Pagaran Batu. Kandaraan wakatu itu hanyolah biduok pincalang ataou biduok tambangan dan kadang-kadang jo kudo baban dan indak jarang pulo jo GL (Goyang Lutang) alias jalan kaki.
Kutiko Rajo kadua Kerajaan Batahan, Sotu Sutan Indra Maharajo pai ka Palak Taleh dek karano padusinyo adolah urang Palak Taleh nan banamo Hindun Batubara yaitu sanak Muridun Pancang Peje Batubara nan bonsunyo ( kaduonyo adolah nenerk moyang panulis nan datang dari Angin Baratlamo Tambangan) , sadang tajadi ayie gadang na ma akibatkan banyaknyo kabou marajolelo mambuek kubangan sainggo muara tumpat. Urangtu mangabekkan biduoknyo disabuah tampek langgung. Itulah sababnyo ulayat tu dinamokan Tompek dan Kubangan, sandangkan tampek panyandaran biduok tu banamo Langgunei nan basal dari kato langgung.

Rombongan manaruihkan pajalan sampei disabuah ulayat, banyak bana urang manompang ( nunut) ka biduok rombongan ko, kamudian urangko dikajuikkan pado sabuah pancaliekkan nan aneh yaitu makhluk alui nan biaso mambinasokan manusia ( mambang ) jo patunjuokkan tarian simuntu ( batopeng) nan banamo rakat. Inggo kini, ujuong Bungo Tanjuong tu dinamokan UJUONG RAKAT dan tampek urang bayka manompangtu dinamokan SINUNUKAN, sadangkan taluok tampek manaritu inggo kini dinamokan TALUOK MAMBANG.
TANJUONG BUNGO adolah tampek barantinyo Datuok Imam Basya jo Pangeran Indra Sutan kutiko mandapekkan RANAH NATA daolunyo. Wakatu urangtu baranti disitu,dimano disiko tampek sorang urang Chino banamo MALIN KAYO nan tasohor jo katuok-katuoknyo dan tampek galanggang baraja Silek Nata dek Syekh Abdul Rauf jo Abu Tarala. Disiko Datuok Imam basya jo Rajo Putieh manyusun duo pantun sairieng nan babuni :

Daun pauoh daun barambang,
Bungo tajnuong di padeta.
Dari jauoh kito datang,
Sampei ka kampuong RANAH NATA.

Laweh lauiknyo RANAH NATA,
Alang lauik manyembah ikan.
Lapeh ensuik duduok basanda,
Kanyang paruik sasudah makan.

Manjalang JAMBUOH ACEH nan banyak dihuni dek urang Aceh, disuatu banda ketek (anak ayie),urangko maliek sipasang ketek-ketek nan mangaluakan cahayo ayie ludahnyo nan bakilek ( kalimayie), sa inggo namo ulayat ko di namokan ANAK AYIE KALIMAYO.
Sasudah rombongan salasei malaksanakan shalat ‘Ashar, urangko manyubarang malalui BATANG NATA ka ulayat JAMBUOH RAO dek karano ulayatko banyak diuni dek urang RAO yaitu campuran Minang jo Mandaelieng dan di parentah dek Datuok Sutan Pangulu Panjang.

BATU BAKUDUONG & LUBUOK SUNTIENG

A M A N A T D U N G K A N G ( 2 )
Asal Muasal Nama Ulayat di Ranah Nata
Oleh : Shaff Ra Alisyahbana Dt Malako

BATU BAKUDUONG & LUBUOK SUNTIENG.

Ilie Nata mudiek Batahan,
Hanyuiklah bamban jo ureknyo.
Kabupaten Ranah Nata mari tagakkan,
Bagayuik harokpan di peloknyo.

Asa muasal namo ulayat dibagian Salatan sampei kapadalaman nan babateh jo Sumatera Barat ado pulo curitonyo. Mulai dari Batu Bakuduong sampei ka paringgan nan indak ba acek. Pado maso itu adolah zaman kakuasoan Rangkayo Majo di Rajo nan manyusuok Kerajaan Batahan di Kampuong Godang. Ateh kasakatan antaro Rajo Batahan jo Rajo Ayie Bangih,mako dipeloklah Sisi Pancang Kadaulatan ( SIPADAN ) yaitu bateh antaro Kerajaan Ayie Bangih jo Kerajaan Batahan.

Mulei dari tapi pasie, ado sabuah batu gadang, mako itulah sabagei sipadan dengan jalan Rangkayo Maharajo Dirajo mainjakan batu nan ditapi pasie tu sainggo kuduong dan banamolah BATU BAKUDUONG. Sasuda itu rombongan nan disatoi dek Puti Sinata mamakei suntieng, rajopun mamakuok sabatang durian nan tumbuoh di tapi lauik tu,sainggo ntampek tu dinamokan DURIAN DI PATUOK RAJO. Salanjuiknyo urangtu manaruihkan pajalanan kadalam rimbo dan sampeilah urangtu kasabuah tampek kawasan nan laweh bak palanta dan tampekko dinamokan pulo SUAK PALANTA RAJO.

Kaduo rajo bapaluok kan sambie manonton unggeh Kuou nan sadang manari-nari di tanah data nan laweh tu. Sasudah urangtu baranti dan mangarajokan shalat Lughuoh, urangtu manaruihkan pajalanan sampai kasabuah danou nan disitu tanahnyo ba goyang-goyang sainggo Puti Sinata tagamang-gamang malangkahi tanah-tanah nan ba onggok-onggok dan baguyang tu. Pajalanan urangtu ampieng sajo gagal, sabab Puti Sinata tajalapak sainggo suntieng nan dipakeinyo tajatuoh. Sado rombongan sato mancari suntieng nan tacampak ka lubuok bagoyang-goyang tu, tapi indak juo kunjuong basuo do. Dek karano suntieng nan dipakeinyo jatuoh kadalam lubuok tu,inggo kini banamo LUBUOK SUNTIENG.

Akienyo sampailah urangtu ka lambah sabuah bukik, dimano dibagian sabalah Ranah Nata ko palang banyak acek, sadang di bagian Sumatera Barat indak ado ba acek. Tampek ko pun dinamokan BUKIK INDAK BA ACEK.

Tau sanak sudaro acek tu ?

Acektu adolah sarupo lintah, tapi iduok di darek. Inyo manjala manjangka-jangkai dan manggigik jo maisok darah dan bilo alah kanyang,inyopun manjatuohkan diri dek kanyang. Iko mungkin tamsilan ka kadaan di Sumatera Utara jo Sumatera Barat,dimano acek banyak di Sumatera Utara nan mungkin ikolah koruptor. Cubolah caliek,kalou kito pai ka Sumatera Barat, kok alah sampei ka ulayat urangtu, jalannyo licin jo mulus. Tapi di Sumatera Utara jalannyo balubang-lubang dan banyak kubangan di tangah jalan.

Kok kito pai Baralek, acok tadangan istilah “ Bak Acek Ajo ko “ disabuik urang dek karano sasudah makan langsuong pai, sabab alah dibayie usao jo kepieng. Kalou dolu di “ Jamba Anyuik “ adolah untuok pai bai bakarajo, ado nan mangukuo karambie,mangubak cubadak,malapuok karambie,mampasiang dagieng dan lainnyo. Tapi kiniko datang untuok mancetak sajo atou karajo mangecek sorang alias main hape. Sado karajo alah disalaseikan dek urang tatantu yaitu panitia baralek tu.

AMANAT

A M A N A T
Asal Muasal Nama Ulayat Ranah Nata
Oleh : Shaff Ra Alisyahbana Dt Malako

Assalamu’alaikum w.w.
Sanak, Dosanak dan Badosanak dimano sajo barado. Kiniko panulis mancubo manulis tantang Sejarah Ranah Nata nan dipadapek dari babagei sumber untuoak dapek kito katahui basamo dan salieng manunjuok ajai dimano kito mancari kabanarannyo.
Tantu sajo ado cacek calonyo dan mungkin ado nan mangado-ngado, tapi itulah pribadi Syahriyal alias Sry Fahmy Batubara alias Shaff Ra Alisyahbana ditambah jo Datuok Malako pulo. Amanat ko adolah hasil dari pajalanan baiek itu panjalajahan atou lainnyo nan dinamokan SAFARY SHAFF RA dan ado pulo SAFARI ( Shaff Ra jo Ariansyah ) dan ( Shaff Ra jo Imwar ) dek karano urangtulah nan mambaok panulis sabagei sopir kenderaan panulis.

AMANAT ko tadiri dari 10 curito tantang asal muasal namo ulayat nan ado di Ranah Nata ko yaitu ;

Amanat Sadak (1) yaitu PANTAI NUN & TA RANAH NATA.
Amanat Dungkang (2) yaitu BATU BAKUDUONG & LUBUOK SUNTIENG.
Amanat Klopak (3) yaitu JAMBUOH RAO & JAMBUOH ACEH.
Amanat Tinjou (4) yaitu PANGGAUTAN & SIKARAKARA.
Amanat Jantiek (5) yaitu PATILUBAN & MUARO SALAYAN.
Amanat Cumalang (6) yaitu MALAKO & BATU GAJAH.
Amanat Pikak (7) yaitu PADANG MALAKO & LINGGO BAYU.
Amanat Pikou (8) yaitu KAMPUONG GODANG & SOPO BALO.
Amanat Iyo (9) yaitu BATU AJUONG & SING KWANG.
Amanat U’u (10) yaitu KINONDOM & SIMPANG SAO.

takana di sanak apo mukasuik Sadak, Dungkang dan sataruinyo tu ? Itulah etongan dolunyo di Ranah mangcekkan satu sampei sapuluoh adolah Sadak,Dungkang,Klopak,Tinjou,Jantiek, Cumalang,Pikak.Pikuo, Iyo dan U'u.
Nan sabagian alah panulis masuokkan ka buku “ SEJARAH RANAH NATA “ dalam baso Nasional.
Akienyo , Salamat Mambaco !!!
basambuong ...... >

PATIH NATA 77

PATIH NATA 77.
Papatah Patitieh Ranah Nata
oleh : Shaff Ra Alisyahbana Dt Malako

Patih dalam bahasa sejarah adalah jabatan Perdana Menteri dalam Kerajaan yang dijabat oleh Gajah Mada. Tapi dalam tulisan ini adalah Papatah Petitih ( Patih ) yaitu berupa beberapa istilah atu perumpamaan kepada sesuatu di Alam Takambang Jadi Guru ( Al-Tajru ) Ranah Nata.
Untuk itu disampaikan beberapa Patih Nata antara lain dari beberapa Patih yaitu ;

1.Abu ateh tungguo
Di Nasionalkan “ abu di atas tunggul “. Patih ini diperumpamakan kepada setiap orang yang Sumando (Sudaro Manjadi Dosanak) di Ranah Nata. Status ini diberlakukan kepada orang Sumando dengan artian bahwa bila datang hembusan angin,dia akan terbang dibawa angina. Secara luas diartikan bahwa orang Sumando tidak diperbolehkan ikut campur tangan mengurusi urusan rumah tangga mertua. Sekarang istilah ini telah termakan oleh masa dimana banyak orang-orang Sumando yang ikut campur mengurusi rumah tangga mertuanya.

2.Alah asam dek binalu
Gambaran suatu keadaan seseorang yang telah dilengserkan oleh orang lain, sedangkan dia adalah
pemegang kendali disitu.

3.Angek-angek cirik ayam.
Di Nasionalkan “ panas-panas tahi ayam “. Patih ini diperumpamakan kepada sesuatu tekad dan semangat yang hanya seketika dan kemudian cepat mundurnya, sebagaimana hal tahi ayam yang panasnya hanya sebentar, kemudian dingin.

4.Angok-angok bawuong.
Di Nasionalkan “ sesak nafas ikan baung “ yang sangat bersangatan ngas ngis ngos nafasnya turun naik bagai tak terkendalikan lagi. Patih ini diperumpamakan kepada seseorang yang sedang dikejar ketakutan yang bersangatan sekali.

5.Anuo mintak sigei.
Enau memintak sigai kalau di Nasionalkan yaitu patih perumpamaan kepada seorang perempuan (anak gadis) yang selalu mencari laki-laki,dimana hal ini terbalik dari kebiasaan yaitu lelaki mencari perempuan. Mungkin dikarena pengaruh Barat atau perkembangan zaman, hal ini telah terjadi dimana anak-anak gadis yang mencari atau mendatangi lelaki.

6.Arok-arok cameh
Harap-harap cemas,jika di Nasionalkan yaitu suatu perasaan seseorang yang masih samara menanti suatu kepastian. Perasaan yang belum pasti sesuai dengan perjanjian,apakah betul atau tidak dipenuhinya suatu perjanjian itu.

7. Ayam putieh tabang siang
Di Indonesiakan yang berarti “ ayam putih terbang siang “ yaitu suatu kejadian yang sudah jelas tampak dan disaksikan kejadiannya. Sesuatu kejadian yang sudah jelas disaksikan tidak bisa berkilah untuk menutupinya sebagaimana ayam putih terbang di siang hari, jelas tampak terbangnya.

8. Babiduok sarangkuoh dayuong
Sesuatu perjalanan pelaksanaan kegiatan yang didorong dan direstui oleh banyak orang. Gagasan yang jelas maksud tujuannya,tentu saja tidak mengalami halangan dan rintangan.

9. Bak anak ayam kailangan induok
Patih ini diperumpamakan kepada seseorang yang mengalami kehilangan sesuatu, tetapi dia bersikap rebut,
menyalahkan orang lain dan selalu rebut dan cerewet manghadapi masal kehilangan ini.

10. Bak awuo di elo sonsang
Perumpamaan kepada sesuatu masalah yang sulit dipecahkan. Sebagaimana halnya sebatang bambu yang
ditarik dari ujungnya, pasti menimbulkan kesukaran dan membuat suara yang hirul pikuk,sebab cara
menraiknya terbalik.

11. Bak awuo samo tabieng.
Bagai aur dengan tebing ini diperumpamankan kepada suatu rumah tangga atau suatu perkongsian yang
aman damai dan sejahtera karena semuanya saling mendukung bagai aur dengan tebing. Aur nmenerlukan
tebing tempat dia tumbuh dan tebing memerlukan aur agar dia tidak runtuh.

12.Bak balah buluoh
Suatu pekerjaan dalam penyelesaian suatu perkara dengan sikap menyebelah pada satu pihak dan menekan
Pihak lainnya.

13. Bak cino karam
Patih ini perumpamaan kepada suatu kejadian dimana sesutau kejutan yang menimbulkan panic dan
suasana sembrawut yang diibaratkan semisal sebuah kapal China yang karam.

14. Bak labu di banam
Patih ini ditujukan kepada orang yang tingkahnya seperti labu dibenam,dimana dia melonjak-lonjak baik
dalam penyambut kegembiraan maupun kebiasaan sehari-hari.

15.Bak mancancang ayie
Gambaran suatu pekerjaan yang tidak mewujudkan keberhasilan ( tanpa bekas ).

16. Bak manggaleh ka silasuong
Patih ini adalah gambaran sebuah perniagaan dimana dalam penjualan mengalami kerugian dimana modal
sajapun tidak kembali.

17. Bakacimpuong di nan dangka
Patih ini merupakan penggambaran kepada orang yang tak berpunya yang bercerita tentang
kemiskinannya.Dia tidak bisa berkata semaunya karena dia tidak memiliki kekayaan yang melimpah
ruah.

18. Bak pancuong talang
Gambaran suatu sikap dimana memutus suatu masalah dengan tidak lurus karena mengalahkan satu pihak

19. Balayie alayie sambie mamapan
Patih ini di gambar kepada suatu keadaan dimana sambil melaksanakan sesuatu dia bisa mengerjakan perbaikan lainnya.

20. Baranang di nan dalam
Patih ini merupakan penggambaran kepada orang yang berpunya yang bercerita tentang kekayaannnya.
Dia bisa berkata semaunya karena dia memiliki kekayaan yang melimpah ruah.
21. Bak taruong masak sarumpun
Suatu gambaran kepada seseorang yang cantik jelita dengan memakai perhiasan emas berlian.

22.Bak itiek pulang patang
Patih yang menggambarkan gaya perjalanan seseorang yang lemah gemulai seperti jalan seekor itik.

23. Basalimuik kain karuong.
Gambaran sutau nasib seseorang yang dalam kemiskinan diibarat seperti berselimut kain sarung, ditarik
Keatas tampak telapak kaki, ditaris kebawah tampak kepala (serba kekurangan ).

24. Cabiek-cabiek bulu ayam
Patih ini digambarkan kepada suatu perkelahian antar saudara seketurunan dimana walaupun bagaimana
cekcoknya perkelahiannya sebentar lagi akan damai dalam kaitan kefamilian/persaudaraan.

25. Cadiek-cadiek udang,cirik ateh kapalo
Patih ini diperuntukkan kepada seseorang yang pura-pura cerdik, padahal dia adalah bodoh atau bisa
dibodohi.

26. Cirik mato di ampu kaki
Patih ini diperuntukkan kepada seseorang yang membongkar suatu kerahasiaan padahal dia termasuk di
dalam kelompok yang dipermasalahkan.

27. Cucuoh ayie ka palimbahan
Patih ini dilambangkan kepada seorang anak yang tentu saja mengikuti tabiat dari orangtuanya sendiri.

28. Duduok ba iyo, tagak ba mola
Patih ini merupakan gambaran kesepakatan atas suatu putusan yang siap dilaksanakan sesuai dengan
yang telah disepakati.

29. Gadang gabuok pado boto
Patih ini menggambarkan keadaan seseorang dimana perkataannya melebihi dari perbuatannya.

30. Gadang singguluong pado baban
Patih ini menggambarkan seseorang melebihi bebannya dari kekuatan yang dimikinya.

31. Ganggam-ganggam baro
Patih ini menggambar sikap seseorang yang tidak serius memegang suatu pekerjaan dan sering melepaskan tanggung-jawab pelaksanaannya.

32. Indak baban batu digaleh.
Patih ini melambangkan bahwa suatu pekerjaan itu dilaksanakan dipikirkan dahulu apakah ada manfaatnya.

33. Indak janjang kayu disaliek.
Gambaran suatu pekerjaan dimana tidak ada yang diperlukan dapat dimanfaat apa adanya.

34. Ka ateh indak indak bapucuok, kabawah indak baurek
Gambaran suatu ketetapan yang tidak bias diganggu-gugat. Hal ini biasanya di Patih kan kepada masalah perbatasan ( Sipadan ) antar ulayat.

35. Ka bukik ba gulieng ayie, ka lurah ba anak sungei.
Setiap suatu ulayat itu telah ditetapkan perbatasannya sesuai dengan ketetapan alam atau sikon ulayat
dengan menetapkan suatu tempat alami yang tidak bias dirobah oleh manusia.

36. Kareh-kareh karak,disiram ayie lunak juo
Patih ini menggambar sikap seseorang yang keras, tapi cepat mengalah oleh pendapat orang lain.

37. Karuoh ayie main bawuong
Patih ini menggambarkan sikap seseorang yang mengambil kesempatan dalam kesempitan.

38. Kilek abih tampan tingga
Patih ini menggambarkan suatu perbuatan yang telah terjadi mendapat solusi setelah masalah dapat diselesaikan lebih dahulu.

39. Kilek baliuong ka mato kaki
Patih ini menggambarkan bahwa maksud seseorang telah lebih dahulu diketahui tujuannya.

40. Kuak-kuak bulan
Patih ini diperuntukkan kepada seseorang yang gila dalam kecantikan padahal dia bukanlah seorang yang
berparas cantik.
41. Lain lubuok lain ikannyo
Patih ini menggambarkan bahwa keadaan suatu ulayat berbeda dengan keadaan ulaya lain.

42. Lapeh suligi dari tangan
Patih ini menggambar sesuatu pengharapan seseorang telah pindah ketangan orang lain.

43. Maaja asam baduri
Patih ini menggambarkan sesuatu yang disampaikan kepada seseorang sudah banyak mengetahui tentang
apa-apa yang akan disampaikan.

44. Ma ajan tuah.
Patih ini melambangkan suatu pekerjaan yang dipaksakan,karena tidak sanggup melaksanakannya.

45. Main di kuduok
Patih ini menggambarkan sikap seseorang yang mengambil keuntungan dalam usaha orang lain.

46. Maitiek
Patih ini menggambar situasi dalam suguhan hidangan yang hanya minum saja tanpa menghidangkan makanan tambahannya.

47. Mamaga karambie condong
Patih ini menggambarkan pekerjaan seseorang dimana yang akan mengambil hasilnya bukan dia sendiri,tetapi adalah orang lain.

48. Mambulalang di nan kalam
Patih ini menggambarkan seseorang yang memarahi orang, sedangkan orang yang dimarahi tidak mengetahui bahwa dia dimarahi.

49. Maelo rambuik dalam tapuong.
Gambaran suatu pekerjaan yang sulit dan membutuhkan kebijaksanaan, persahabatan jangan putus dan
pertikaian jangan terus berlangsung.

50.Mampatanggkakan tabuong hanyuik
Patih ini gambaran dari sebuah perbincangan yang tidak ada manfaatnya bagi yang berbincang-bincang.

51.Manapiek ayie di dulang
Patih ini merupakan seseorang yang menceritakan aibnya sendiri karena yang malu adalah dirinya sendiri.

52. Mancari jajak di ayie karuoh
Patih ini menggambarkan suatu usaha yang sulit dan sia-sia karena tidak jelas permasaalahannya.

53. Mandukuong biawak hiduik
Patih ini menggambarkan keadaan seseorang yang menolong bertambah mendapat kesulitan.

54. Mangambieng
Patih ini menggambar situasi dalam suguhan hidangan yang hanya makanan saja tanpa menghidangkan
Air minum tambahannya.

55. Manggami
Patih ini menggambarkan kepada seseorang yang selalu hidup menompang.

56. Manggantang asok
Patih ini melambang kepada suatu pekerjaan yang tidak ada wujud kenyataannya.

57. Mangguntieng dalam lipektan
Patih ini menggambarkan kepada sikap seseorang dimana dalam suatu kebersamaan mengadakan suatu
usaha penipuan untuk kepentingan pribadinya sendiri saja.

58. Manompang biduok tirih
Patih ini menggambarkan bahwa tempat ketergantungan seseorang itu adalah orang yang tidak sanggup
memberikan bantuan.

59. Manjarieng awan
Patih ini menggambarkan suatu pekerjaan seseorang yang sia-sia (berangan-angan besar).

60. Manjatuohkan batu ka lubuok.
Gambaran suatu pelaksanaan memberikan bantuan kepada seseorang yang tidak berterima kasih

61.Manuhuok kawan sairieng
Gambaran suatu sikap seseorang yang mengecundangi kawan kerabat sepermianannya (sahabat karib).

62.Maraieh pangkuo ka dado
Patih yang menggambarkan sikap seseorang yang selalu menggunakan percontohan kepada dirinya,walau sesuatu itu bukan untuk dirinya.

63. Nan bengkok di makan saruong
Patih yang menggambarkan bahwa apabila seseorang itu tidak berniat yang ikhlas dan lurus pasti akan kena karmanya.

64. Paga makan tinaman
Patih itu diperuntukkan kepada seseorang yang bersikap melindungi, tetapi mengeruk keuntungan atas perlindungannya itu.

65. Sakali ayie gadang, tapian tatap barasak.
Setiap suatu kejadian pasti membawa suatu perobahan.

66. Sakali mambukak puro, dua tigo utang tabayie.
Gambaran suatu keberhasilan yang dapat menebus kekurangan yang telah berlalu.

67. Sakali marangkuoh dayuong, dua tigo pulou talangkaoui.
Gambarannya sama dengan Patih nomor 66.

68.Sambie badiang nasi masak
Patih ini menggambarkan kecakapan seseorang yang bisa melaksanakan dua pekerjaan dalam satu waktu.

69. Sambie manyalam minum ayie
Patih ini sama tujuannya dengan patih nomor 49.

70.Sia ma mamungkie janji, inyo ma ungkei buek.
Gamabaran seseorang yang akan mendapat tempelak karena telah memungkiri suatu perjanjian/ketetapan.

71. Tabujuo lalu tabulintang patah.
Gambaran suatu pelaksanaan peraturan yang tidak pandang bulu sesuai dengan ketetapan.

72. Tacilantang samo minum ayie
Patih ini melambangkan sikap seseorang yang rela berkorban atas kebersamaan.

73. Tadorong padi ka bancah
Patih ini menunjukkan suatu pekerjaan yang disesali setelah mendapat dampaknya yang kurang baik.

74. Tatungkuik samo makan tanah
Patih ini sama tujuannya dengan patih no.51.

75. Ubek sakik palarei damam
Gambaran seseorang yang membutuhkan yang sangat diperlukan dan menjadikan wujud keberhasilannya

76. Urang buto bari basuluoh
Patih yang menggambarkan suatu pekerjaan yang sia-sia karena bantuan yang diberikan tidak ada
manfaatnya bagi yang menerimanya.

77. Urang buto kailangan tungkek.
Patih yang menggambar keadaan seseorang yang sudah jatuh ditimpa tangga pula.

MARGASATWA

M A R G A S A T W A
AL – TAJRU FLORA & FAUNA
Oleh : Shaff Ra Alisyahbana Dt. Malako

Kalou dibaokkan ka baso Nasional, Al-Tajru adolah sabuah perniagaan (juabali). Tapi Al-Tajru nan dimakasuik dalam tulisanko adolah Alam Takambang Jadi Guru. Banyak tando-tando di alam nan takambangko bulieh dijadikan guru untuok kito kasadonyo. Dari sakian banyak tando-tando, ado babarapo tando alam takambang dan khusus dalam tulisanko khusus margasatwa, baiek flora maupun fauna antaro lain yaitu ;

1. CANCEBO , adolah sabanso unggeh nan bajaso dakek manusia karano inyo ma agie tando alah masuok wakatu Mugarib. Hampie satiok hari inyo babuni manyabuik namonyo sandiri yaitu “ cancebo “ ataou “ cancudu “.

2. KALALAWA , nan dalam baso Nasional disabuik kelelawar bajaso ma agie tando wakatu Shubuoh nan ka masuok. Jadi supayo kito jago untuok mandi, manjawek dan shalat Shubuoh.

3. BUNGO PITULO , adolah baso Nasionalnyo gambas atou oyong, dimano satiok masuok wakatu ‘Ashar, bungo pitulo nan rono kunieng tu pasti kambang. Desir Pantai ado bapantun : Alah patang kironyo ari, alah kambang bungo pitulo. Nasib malang kironyo diri, kamano langkah ka die lo. Salain manjadi tando masuok wakatu ‘Ashar, pitulo ma agie contoh dakek manusia untuk mancontoh sikapnyo yaitu waloupun di dalam batarawang, namun dilua tampak rancak basagi.

4. BARANG – BARANG, sajenis pilanduok nan banyak tadapek di tapi banda atou batang ayie mancari makan yaitu manangkok lauok. Sifat nan dicontohkannya adolah “ ka adilan babagi “ samo banyak. Bialah inyo (induok) indak mandapek asakan pambagian samo banyak. Dalam mamutuikan suatu pakaro, inyo indak mamakei system “ balah buluoh “, tapi mamakei system “ dacieng “.

5. SAMUIK , adolah serangga tautamo samuik hitam dimano satiok ma adokan pajalanan, sia nan basuo “ tatap manyapo dan mambari salam “. Mangapo kito manusia nan mampunyoi aka jo pikiran, kadang indak basisapoan apo lei mambari salam.

6. SIKAJUIK, nan baso Nasionalnyo banamo putri malu. Inyo ma agie kaguruan dalam manjago badan diri dimano asa disingguong urang, inyo kucuikkan daun dan manguleikan tangkei daunnyo walaoupun batangnyo panuoeh dek duri sabagei sinjatonyo. Mangapo kito manusia dan baa ka pikieran indak mangana diri dan acok tajarumuih ka nan indak elok ?

7. KARANGGO, yaitu serangga nan barono sirah dan mamelok sarang di ujuong daun manyatukan babarapo daun. Kalou inyo indak disinggunong atou ado kawannyo nan di bunuoh, kawannyo pasti manggigik sia nan manggaduohnyo. Walaoupu mati, inyo tatap manggigik. Ikolah sabuah contoh sifat dimano kalou tasingguong pasti mambela harkat jo martabat diri dan basatu untuok mambasmi kajahatan nan di alami dek sorang kaluarganyo.

8. TAJANG ANOU yaitu bungo dari anou. Waloupun dari mulo inyo lahie tenggi majulang disalo palapa daunnyo, inyo ma agie pangasilan untuok dijadikan niro,tangguli atou gulo. Batambah lamo umuo nan dipakeinyo, batambah marandahkan diri sampei mati tagak batangnyo. Iko mancontohkan sikap bahwa waloupun kito di tingkek tenggi, andaknyo samakin pendek umuo kironyo marandahkan diri dan indak paralu basipat sombong. Tapi, ado juo ka istimewaan tajang anou, dimano satiok urang nan nandak ayienyo supayo mayangnyo di ayun bueikan jo di laek-laukan dan ditokok jo irama lambuik.

9. KATUONG . dalam baso Nasional adolah penyu nan ma agie contoh indak sombong waloupun baratui-ratui banyaknyo, tapi indak heboh bak murei dicabuik ikuo. Tapi, katuong ko ado juo nan istimewa, waloupun inyo indak bulieh dimakan (haram), tapi taluonyo bulieh dimakan, sabab mamanuohi syarat manjadi halal.

10. AYAM , tantu sajo kito tau kasadonyo nan dikecekkan “ manuk “ dek urang Mandaelieng jo Jawa ko. Tautamo ayam batino mancontohkan dalek kito sifatnyo nan indak bulie dicontoh adolah katiki bataluo. Sabuahnyo taluo nan dipancakannyo, ribuik sakulilieng nan disatoi dek ayam jantan nan barado di dakeknyo. Baru saketek harato nan dapek, gaya alah malangak jo mandongak dan langkahpun bak labu dibanam. Iko manunjuokkan kasombongan, apo lei kayo batambah pulo jo kecek gadang nan gaduok kulekah jo kurenah.

11. AMBACANG , ma agieh contoh dakek manusia bahwa di dunie ko bukan rupo jo rono nan diutamokan, tapi adolah hati atuo raso nan di paralukan. Waloupun kuliknyo nan coreing morieng babintiek-bintiek, tapi baunnyo harum dan rasonyo lamak basagu. Jadi, janganlah kito basifat ambacang, lain dilua lain di dalam tapi bialah buruok asa rancak.
12. NYAMUOK adolah mancontohkan sifat mamintak, sabab sabalun inyo manggigik labieh daolu mamintak izin marauong-rauong dakek talingo. Bilo nan didatanginyo indak maizinkan, inyo rela mati ditapiek. Tapi kalou rela inyo mangigik sampei paruiknyo buncik. Manga kito manusia indak mamintak, tapi ma ambiek sajo dan ikolah nan dikatokam “ mancilok “ nan dalam baso kerennyo “ korupsi “.

13. LABA , mancontohkan parangeinyo dimano waloupun gigiktannyo nan sakik, tapi inyo ma agie madu nan bamanfaat bagi kito sabagei ubek. Kalou inyo di paliaro elok-elok, inyo ma agie pangasilan nan lumayan bagi kito. Untuok itu jadilah kito sabagei laba atou tabuan nan manabuoh madu kabaikan di ateh dunie ko.

14. BALOK yaitu sakarek kayu nan alah di arik keda kanan jo ujuong pangkanyo. Waloupun bak mano bantuok di pelok, kalou dirandam ka ayie, nan pangka tatap agak mambanam dan nan ujuong agak marapuong. Iko ma agie contoh bagi kito dimano nan gaek-gaek (pangka) tapap ma agie nasehat jo dorongan supayo nan mudo (ujuong) naiek ka ateh (berasil).

15. MANCIK nan dalam baso Nasional adolah tikus. Kito sadonyo tau mancik mamakan sagalo makanan dan mamakan tanpa sapangatahuan kito alias mancilok. Iko ditamsilkan dakek manusia nan pancilok (koruptor). Tapi waloupun bak itu, mancik jadi tamsilan bagi manusia dalam kahiduikpannya dalam istilah “ kok ka jadi mancik, ketek lei alah bulek ikuonyo “. Kalou manusia nan kabarado tu dari awal inyo alah pangasilan nan maningkek tarui “.

16. ANEI-ANEI adolah sabansi samuik nan sifatnyo mamakan sacaro barondok-rondak. Dicaliek lipektan tatap rancak, tapi didalam alah bakasebu batarawang dimakannyo. Ikolah sifat buruok “ mangguntieng dalam lipektan ” atou “ paga makan tanaman “.

17. LIPE dalam baso Nasional adolah lipas. Paguruan nan di ambiek dari lipe adolah sifatnyo nan manjilek sampei takiki abih sainggo manjadi buah kato “ bak digigik lipe “. Iko manjadi palambang bagi manusia nan rakui jo congok. Nan biasonyo, kalou urang Ranah Nata batamu dan di agie makan minum, waloupun bak mano lapanyo namun ayie nan di mangkuok dan nasi nan di basit atuo angkek-angkek sarati gulei nan di pirieng tapat balabieh. Iko cirri khas urang Nata, tapi kiniko dak ado lai bahkan mintak tambuoh lei.

18. ACEK nan dalam baso Nasionalnyo adolah pacat mancontohkan sifat nan indak elok nan ka kito contoh yaitu maisok darah manusia khususnyo dan bilo inyo alah kanyang, jatuoh sandiri dan manyalamatkan dirinyo untuok tatap batahan hiduik. Iko lah nan banyak kinin nan tajadi yaitu banyaknyo nan ma isok darah mancontoh parangei acek ko. Iko pun alah takilek baliuong di mato kaki yaitu biloa ado jamuan, sasudah makan basiampeh puleh pulang, waloupun sabanyo nan diundangtu bukan untuok makan, tapi mahadiri acara baralek.

19. KUKANG ma agieh contoh dakek kito supayo ado raso malu sabagei tando urang nan baradat jo baiman. Jaman kiniko raso malu tu indak ado lai tautamo dari urang-urang pamain pilem sinetron. Baidu-iduan,paluok-bapaluok, tipu tepok kicuoh mangicuo alah jadi tontonan nan lasap dicaliek, walupun hati bakutuok malieknyo. Lain pulo masalah gaya nan ditirukan dek para bintang idola nan jangga, tapi rancak dimato bin@tang dek karano kurenah tu alah cando nan bakaki ampek tu. Pado saat kini, urang-urang kampuong nan jauoh katimnggalan dari pamikiran maju, alah pandei bak mano caro mancilok, marampok,mambunuoh dan lainnyo dek karano ado tontonan nan indak jadi tuntunan, tapi jadi contoh untuok ditiru. Di Ranah Nata khususnyo alah banyak kajadian nan tingkek tenggi saumpamo kajadian April di bulan April, parampokan di Tabuyuong, pambunuohan di Baronjong, mancilok di Karan Panggautan dan lainnyo, iko adolah bapadoman dari tontonan nan indak ba tuntunan tu.

Ikolah daulu sarapan kito untuk kito ranuongkan dan inok manuongkan supayo kito dapek ma milieh jo mamilah mano nan elok dan mano nan buruok. Apoko kita nandak jadi si Miska nan didalam sinetron tu ? Tasarah.

ANAK

A N A K
Amanah Nan Allah Kurniakan
Oleh : Shaff Ra Alisyahbana

Anak adolah buah hati pangarang jantuong nan marupokan sibiran tulang palarei damam bagi urangtuo atou nanggaek, sabab anak adolah Amanah Nan Allah Karuniakan dakek sapasang laki bini dan marupokan urang nan dijamin Allah dapek mando’akan nanggaeknyo sabagei Anak Shaleh.
Baiek Ayah maupun Umak maharokkan pakirim dari anaknyo nan Shaleh , dek karano inyo ndak pana sumbayang (Shalat) di wakatu hiduiknyo. Umak asyik baranak ketek dan ayahnyo bakain kotor atou datang bulan. Ambo raso do’a nan dikirmkan dek anak shaleh ko tatulak, sabab indak malakek dek karano tampek bakirim tu ndak tantu alamatnyo do.
Sabananyo anak tu Cuma duo di dunie ko yaitu Anak Shaleh dan Anak Thaleh. Kalou anak thaleh adolah lawan dari anak shaleh dan mungkin ikolah nan dikatokan anak durako tu. Kiniko banyak anak thaleh disababkan kanakalan nang gaek, sabab banyak pulo urangtuo nan indak pana sumbayang, waloupun alah ba anak minantu jo alas an indak ado kasampatan atou banyak karajo, mako di suruoh anak untuok mando’akannyo nanti bilo maningga.
Baiek anak shaleh maupun anak thaleh tadiri dari babarapo anak nan bamacam ragan tabiat dan tingkah lakunyo nan di ibaratkan den alam nan takambang dapek manjadi guru ( Al- Tajru ) bagi kito kasadonyo antaro lain adolah sbb.;

1.ANAK PISANG . iko di ibaratkan kadakek anak shaleh nan salalu patuoh
dakek nan gaeknyo dan that kapado parentah Allah dan Rasulnyo sarato baribadah satiok hari. Calieklah anak pisang nan salalu manguliliengi induok nyo dan manjadi pangganti induoknyo bilo alah babuah. Kasabatangannyo dapek dipagunokan, daun untuok pambangkui,buah untuok di makan, jantuong untuok sayuran, batang untuok kungkuong dapuo,talutuok untuok papik,karisiek untuok paisi gambuong-gambuong,pucuok rokok dan lainnyo. Jadi kasadonyo dapek dipagunokan dan bak itu juolah anak shaleh.

2.ANAK BATU LADO ,nasib iko banyak diterimo dek para orangtuo nan anaknyo basifat anak batu lado. Anak nan indak tahu di untuong ko acok mangacewakan naggaeknyo. Taulah kito sifat anak batu lado nan tega ma nari-nari diateh kasusahan nanggaekny,sakalipun orangtuonyo mangaluakan ayie mato darah inyo tatap baitu juo. Tapi, nan namonyo nanggaek, inyo tatap malinduongi anaknyo bilo alah salasei manari-nari kagadangan hati atou sifatnyo nan sombong.

3.ANAK JANJANG , iko adolah nasib sorang anak nan malang karano nangga eknyo indak mangacuohkannyo,asakan inyo tatap badiri kuat. Calieklah sifat anak janjang, naik turun inyo musti di inja-inja, sadangkan induoknyo di gusuok-gusuok dek urang nan naiek turun tu. Urangtuonyo sampei hati mampadiakan anak-anaknyo diinja dek urang,asakan inyo tatap tagak badiri dan dikusuok orang. Sikap iko banyak nan dilakukan dek urangtuo.

4.ANAK SINAPANG ATOU KATAPAL , iko adolah sifat anak nan indak mangana jaso urangtuo nan manggadangkannyo. Calieklah sifat anak sinapang, jo sombong manukiek kalua tabang licieng antah kamano, tingga baronsong di dakek induoknyo dan inyo indak pana baliek lai. Sifat iko indak bulie ditiru dek anak-anak, kalou inyo nandak manjadi anak shaleh. Sajak lahienyo pai marantou indak pana pulang dan urangtuonyo ala di hitamkannyo. Tingga bamanuong urangtuo bak sinapang tagantuong di dindieng rumah. Iko juo disabuik basifat kacang, kok lah paneh ari, lupo kacang di kuliknyo.

5.ANAK TALEH ampieng samo jo anak pisang, tapi agak manjauoh dari induoknyo, tapi tatap manguliliengi induoknyo. Tapi hati-hati , anak taleh ado garuik gapei awak dipeloknyo dek karano gatah.

6.ANAK CUNGKIL ,iko adolah niat urangtuo untuok mamajukan anaknyo, inyo lacuik untuk bakarajo kareh dan siki bak mano pasti baliek juo ka induok nyo. Jo lacuik lampang mamajukan anaknyo supayo mangalami parubahan hiduik dan akhienyo pasti kumbali kadakek urangtuo ( pulang kampuong ). Anak cungkil mambaok jumlah nilai hasie pandidikan urangtuo, walaupun ukurannya adolah naggaek juo dan inyo diusaokan urang manyambuiknyo.

Tapi jaman kiniko, ado nan kito herankan. Anak nan alah di agieh namo dek nanggaeknyo pado acara Tughun Kaghayie , kini alah dituka jo baso nan indak pandei urangtunyo mambaconyo. Ingeklah anak, cucu ambo kasadonyo, bahwa nanti di Yaumil Mahsyar, bukan namo nan kalian pelok tu nan dicari dek nanggaek kalian, tapi namo nan diagienyo dalam mintak namo jo Jamba Nasi Kunik Panggang Pacak Ayam ( Sunanik Papayam ). Bak itu pulo nanggaek, maso ndak tau parangei anak-anaknyo, sadangkan parangei lampu bisa kito tau.
Yo ndak ???. Satiok jam anam inyo pasti tabanam sainggo kito bakalam-kalam dan kok iduik bana cayonyo bantuok ayam maram dan acok padam mako kito di tangkok kalam. Sia nan talok bakarajo dari pukuo sabaleh malam ka pukuo limo pagi dek karano disitu baru naiek arus listrik, baru bisa baubuongan jo elektrik.
Itulah babarapo tamsilan anak dalam alam takambang jadi guru ( Al- Tajru ) kironya jadi paratian bagi kito sadonyo mamilieh jadi anak shaleh atou anak tholeh. Bahagialah para urangtuo nan mampunyoi anak shaleh nan bisa mando’akannyo dan bahagia juo urangtuo nan indak baranak, karano indak ado patangguongjawaban baranak tu salaku amanah nan Allah kurniakan (ANAK). Kadang,ado nan pacuma sajo nan baranak banyak, tapi indak ado nan pandei untuok mando’akan urantuonyo dek karano indak disiram jo pandidikan Ugamo,samantaro nanggaeknyo jauoh pulo dari Ugamo. Nan sumangek bana nanggaek-gaek bilo ado paringektan Ugamo saumpamo Mauluik, Isro’ Mikraj atuo Halal bihalal, itu basiampeh ma agie sumbangan dan musti labieh lasap dari nan lainnyo. Tapi inyo sandiri indak mangana hiduik nan ka mati, untuok dirinyo sandiri indak ado, sadangkan Allah manyatokan “ Quu anfusakum wa ahlikum Naara ( Jagolah dirimu dan kaluarga,anak binimu dari api Narako). Tasarah.